公屋單位水流出現異常,房署堅稱符合標準拒跟進!有小西灣邨住戶指自大廈更換水掣後,廚房與浴室水龍頭甚至花灑出水速度即大幅轉弱,更因影響熱水爐運作而多番投訴,管理公司竟以水壓符合房署標準拒作處理,住戶不但時刻擔心「冇水煮飯」,更需在寒冷天氣下抵受低溫兼微弱的水流梳洗。立法會議員直斥房署不負責任,要求盡快協助住戶解決問題。

小西灣邨有住戶投訴大廈更換水掣後,單位水流大幅轉弱,管理公司卻稱水壓符合標準拒跟進。

熱水供應變得不穩定,熱水爐調校至攝氏四十四度高溫,但流出的水仍時冷時熱。

「依家嘅水流比以前慢咗一半,開到最大都係好弱,搞到連熱水爐都撻唔着,以前開三十七度啲水已經夠熱,依家四十四度都唔熱,搞到沖親涼都凍到震!」曾先生家住小西灣邨瑞泰樓,自從上月初大廈維修水掣後,即發現水龍頭與花灑的出水速度大為減弱,熱水供應亦變得不穩定,對日常生活構成嚴重影響。

專家疑沙石塞水管

記者實地了解期間,只見即使盡開浴室花灑,水流亦較一般花灑微弱。記者亦在熱水爐開啟至攝氏四十四度高溫後以手感受水溫,發現水溫時冷時熱。曾先生坦言曾多次向管理處投訴,職員卻一直聲稱「冇問題」,「佢話以前水壓大係因為個減壓掣壞咗,依家換咗新掣,水壓先啱番房署個標準,跟住就唔理我哋!但啲水流得咁弱,搞到我哋成日都驚住會突然冇水沖涼同煮飯,真係好困擾!」

有關管理公司發言人承認,曾於十一月更換大廈食水減壓掣,完工後曾有住戶查詢水壓問題,但聲稱工程人員使用水壓磅檢查後證實水壓正常。就曾先生之投訴,辦事處職員日前亦已上門檢查,同樣證實水壓合乎標準,熱水爐亦運作正常。

「水壓磅冇辦法反映到水流量,就算水壓達標,都唔等於個流量係足夠住戶日常生活用水需要!」香港持牌水務專業學會技術主任戚德明指出,倘大廈在更換減壓掣後出現水流變弱,或熱水供應不穩情況,有機會是安裝減壓掣時未有先加設不銹鋼沙隔隔走沙石或鐵銹,導致水管阻塞,而且單以水壓磅亦無法檢測水流量,「另一個可能性就係單位水喉、花灑或者熱水爐嘅沙隔阻塞,所以一定要檢查清楚先知道個源頭!」

立法會議員王國興亦批評房署處事「是是但但」,未有正視住戶投訴,要求房署盡快責成管理公司為受影響住戶作詳細檢查,「住戶唔會無端端投訴,而且問題係喺換水掣後出現,房署作為業主有責任要求維修員再詳細檢查同協助住戶!」

熱線3600 9988

電郵 socserv@on.cc

傳真3600 9900

WhatsApp/SMS 6500 6500

來函請寄:香港大埔工業邨大昌街23號東方報業中心東方報業集團投訴組收

個人資料絕對保密

匿名投訴恕不處理

逢星期一至五見刊

第一手消息請下載on.cc東網iPhone/iPad/Android/Windows Phone Apps