人稱「廢官」嘅「周一鑊」周一嶽舊年四月上任平機會主席後，平機會即刻由盈轉虧，上年度錄得約三百九十七萬元虧損。有學者批評，周一嶽上任短短一年，瘋狂增聘員工以致「使凸」，一事無成之餘，仲反映佢「姿態高、實際少」，事關新投訴個案不加反減，對上一個年度減少一成四，顯示少咗嘢做，仍開支大增，唔止係「大花筒」，仲要擴權、抓錢買永久辦公室添！周一鑊之前喺衞福局已衰過好多鑊，翻閹做平機會主席仍然咁多鑊，真係應該執包袱走啦！

周一嶽

第一手消息請下載on.cc東網iPhone/iPad/Android/Windows Phone Apps