SUN搞作：網絡小說：無得揀

小文手中的宣傳單張被握得皺成一團，「但係……」經紀拍拍其膊頭，「唔使但係喇，我呢間高層單位，位處市區，月租只係八千八百八十八，你話喺邊度有得搵？」小文愈聽愈心動，經紀見機不可失，「不如依家帶你去睇睇！」

穿過後巷窄街，蟲鼠四竄；爬了幾層樓梯，垃圾處處，終於經紀帶小文到一舊樓天台，「呢度係……」小文驚訝得張大嘴巴。「呢間深水埗嘅天台屋，絕無僅有，一眼望盡區內舊樓，你話係咪景色獨特？」小文無暇顧及屋外，「呢度連床都擺唔落……」經紀搶道︰「只可以席地而睡咪證明間屋絕無發水囉！」

小文心知中伏，猶豫之際，經紀露出不屑嘴臉，「後生仔，有得揀你就唔使喺度，你排唔到公屋、輪唔上居屋，更唔好講要買屋，租樓係你唯一出路，快手簽約啦！」