政壇：泛民拉布嘥公帑 累立會人財兩失

財會秘書頂唔順轉工

行管會講到財委會「苦況」，話本來每隔兩星期、每次開兩小時嘅會，變成每星期開四小時會，唔少職員都話惡啃，長工時做無意義嘅「無米粥」，搞到最近專門負責做財委會秘書嘅助理秘書長劉國昌都決定另謀高就，轉工去醫管局。

行管會初步討論增加三名議會秘書幫手做財委會，保守估計薪酬等支出都要幾十萬至百萬元。據知泛民委員問秘書處有冇關心職員壓力、點解離職。建制委員葉國謙同方剛就省到泛民一面屁，話咪係你哋泛民「拉布」搞成咁囉，仲惡人先告狀？最後雙方都同意加人加資源。

另外，有泛民議員早前就上任財委會主席「星爺」吳亮星，主持通過新界東北規劃撥款決定提司法覆核。行管會都傾過，由於星爺係代表財委會作決定，同意由立法會畀錢打官司辯護，初步預算要一百萬元。