年輕人乏支援上車無望
【本報訊】應屆大專畢業生Charlie今年九月申請輪候單人公屋，為免超出入息限額，畢業後放棄做長工，選擇當兼職侍應，情願「搵少啲」以免失去申請公屋資格。Charlie一家五口同住二百多呎自置單位，一直渴望有私人空間，他認為政府最新公布的長遠房屋策略未有協助年輕單身族上樓，新資助自置計劃亦遙不可及。
幫助唔大
劉小姐 二十五歲（醫護界）：「就算政府增加住宅供應十年多一萬個單位，對降低樓價幫助不大，內地人都會照來買樓，樓價依然高企。希望長策緩和到樓價，小市民先有機會上樓。」
歐先生 三十歲（攝影界）：「長策幫助唔大，好似求其做啲嘢咁。我計劃五年內買二手村屋，但價錢一直升。居屋定價市價七成都好貴，不如推出資助計劃直接畀錢合資格人士。」
今年二十二歲的Charlie坦言以現時樓價，只能寄望申請單人公屋，不少朋友抱同一觀念，「好多朋友做緊長工，主動要求僱主唔好加人工，有啲情願唔要花紅，唔想超出公屋入息上限。」他考慮與外婆聯名申請公屋，以求加快上樓。
任職社工的八十後林勇琪同為住屋問題煩惱，他與女友Mancy明年結婚，應付結婚開支已很吃力。兩小口月入約四萬元，遠超申請公屋入息上限，因還「學債」和家用等開支，直言居屋首期亦至少要儲錢十多年。原計劃先租私樓，但「劏房」月租亦索價六千元。準新郎勇琪慨嘆年輕家庭面對住屋困境「無得揀」，婚後只能和太太繼續與家人同住公屋，生兒育女、進修等人生計劃更只能押後。他認為政府即使推出新資助房屋計劃，年輕家庭亦難以負擔高昂首期，希望政府能大量增建公屋，及放寬申請限制，「如果依家出去租樓住，隨時（租金）佔月入四成，其實住屋佔兩、三成已好盡。」Mancy指同齡朋友中只有一成已婚，其餘未婚的大多因未能解決住屋問題。
