SUN搞作：打橫嚟講：清場在即！So Sad !

兩個月前，由佔領開始，金鐘站每天都洋溢着一股希望的動力，光亮而進取，整潔兼高雅，朝氣勃勃的！

擒日，縱使天朗氣清，陽光燦爛，但那處壓根兒卻充滿愁雲慘霧Feel，留守的人面色沉鬱，唧都唔笑的！還有，本來齊齊整整的帳幕，不少東歪西倒，凌亂荒廢，明顯早已撤退，這棄場情緒充斥着整個佔領區！

有人沾沾自喜，向佢阿爺邀功，話大獲全勝！真的！「佔中行動」是Total Loss的！大家苦守奮戰兩個多月，有何一丁兒成績爭取到呢？

「零」！不特只「零」呀！還大倒退，負分添噃！

以前，只要噴一嘢胡椒，全港市民便鬧爆喺光天化日下進行的了！居然投訴都無事喎！

咁都未算，連守護香港「五十年不變」嘅《中英聯合聲明》，也可以公然無視國際法理下完全失效（Voided），香港政府有無出句聲呢？

上月尾的旺角「清場」禁制令，也作吓狀話有執達吏和申請的代理人嚟「移除障礙物」吖！仍有點避忌，怕民意不滿！但今天，講到明金鐘嗰度係「清場」，唔使再閃閃縮縮矣！甚至，話連銅鑼灣未有「移除禁制令」的，也隨時掃場喎！香港人又如斯鵪鶉！怎教人唔So Sad呢？唉！So Sad！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府