SUN搞作：SUN官場現形記：無翻身之日
醜事傳千里，香港天台蝸居亦成外媒新聞，貧富懸殊嚴重，問到發展局局長波波點睇嘅時候，佢就學人擺出一副諗樣。
李衞︰幾時先可以解決住屋問題？
波波︰你知我無魔術棒，短期都解決唔到。
李衞︰咁你呢個官有乜嘢用？
波波︰我可以循例上去探吓基層，然後安慰佢哋就快有得上樓。
李衞︰……天台蝸居細到連床都擺唔落，你仲叫人等？再住落去，邊有翻身之日？
波波︰點會無呢？
李衞︰你叫啲年輕人聽到你呢句，真係情何以堪呀？
波波︰我真係唔明，就算點逼，瞓覺嗰陣「翻身」又有幾難呢？
李衞︰@#$$%^&^&
