城中鏡：歐智華撐同志 多元環境發展佳
隨住社會開明，大眾對同性戀嘅認知同接受程度亦大增。其實好多跨國企業同金融機構高層都係同性戀者，尋日一個由華爾街大行發起嘅同性戀社群（LGBT）舉行論壇，滙控行政總裁歐智華都有到場，佢仲透明度十足咁話，雖然佢唔係gay，但明白多元化社群對集團有幾重要。佢仲透露，以前倫敦總部職位申請表上性別一欄只有「男性」、「女性」兩個選擇，依家有埋「男性」、「女性」、「其他性別」和「唔想披露」四個選項，充分顯示出滙控對員工及多元化社群嘅尊重。
歐智華喺一個同性戀論壇上表示，佢雖然唔係同性戀，但力撐包容多元。
歐智華仲話，只有一個包容多元化嘅工作環境，先可以令員工發揮所長；而只有理解多元化社群，先可以了解唔同取向嘅客戶有唔同需求。
呢個論壇有唔少財經界嘅熟面孔，包括高盛執董蔡家聰、英國石油公司（BP）前行政總裁Lord Browne，同埋巴克萊、花旗、德銀等大行嘅一班高管都有出席。
