城中鏡：霍啟山聖誕有約 帶學生訪穗交流
霍家幾代人都鍾情體育，第三代嘅霍啟山亦不例外。尋日啟山出席一個活動時，講到聖誕活動，原來佢聖誕將會離港一周，但唔係去度假，而係帶本地大學生去內地，同內地大學生交流。
聖誕將至，啟山透露會帶大學生團去廣州交流訪問。
啟山話佢二十三號就會出發，此行係代表香港青年協會帶本地大學生團作交流活動：「會帶大學生去廣州中山大學實習，行程會去唔同地方，活動就包括足球等等嘅體育活動。」難得有個聖誕假，啟山遠離ball場，投身校園活動，算唔算返璞歸真呢﹖佢笑笑口話，今年的確較特別。
