政壇：會計師會選戰勢均力敵
會計師公會本周五（12日）舉行周年大會，屆時將選出新會長，今年冇單一大熱門，但就有兩個熱門對手。據講，兩位現任副會長龔耀輝同何超平勢均力敵，更被視為係「五五波」嘅一場賽事，未到最後一刻都唔知邊個跑出！
何超平（圖）同龔耀輝角逐會計師公會會長一職，周五便有分曉。（資料圖片）
龔耀輝
龔耀輝係天奧共盈集團聯合創辦人，何超平就係普華永道會計師事務所合夥人。睇牌面，龔耀輝喺會計師公會理事會都服務咗好長時間，贏面唔錯，但佢唔喺會計師行做，一向又被視為改革派，唔知能唔能夠得到理事會大多數成員支持。至於何超平，優勢當然係有大會計師行做後台，不過，何超平能唔能夠坐正，大前提係先要過理事選舉一關，要重選理事成功後至可有資格被推選做會長。至於龔耀輝今年就不用再重選理事。今年會計師公會理事會選舉，共有10人角逐7個理事席位。
