【互聯網】雖然醫學會會長史泰祖平日公務繁忙，但有時都要忙裏偷閒，佢上周應澳門美國商會朋友邀請，同太太一齊到澳門參加懷舊舞會。

史泰祖伉儷。（互聯網圖片）

呢個舞會嘅會場以十九世紀美國爵士樂為布置主題，史醫生話當時同太太貪得意借咗大會提供嘅黑色禮帽嚟影相。睇怕佢兩公婆都係想襯番舞會主題玩吓啫！但張相點解係黑白相呢？唔通又係要襯番懷舊Feel？史泰祖醫生話自己本來係影開彩色相，但認為黑白相最堪玩味。

之不過快樂時間過得特別快，加上仲有好多公務要處理，史醫生同太太出席完舞會後，就即刻搭船返香港，無再喺澳門周圍行下。

第一手消息請下載on.cc東網iPhone/iPad/Android/Windows Phone Apps