SUN搞作：SUN官場現形記：物非所值
民航處使咗逾十五億元更新空管系統「睇得唔用得」，延誤三年未啟用，但民航處從未提出過索償，更再畀近億元修補系統，李衞就問吓民航處處長文文搞乜鬼。
李衞：畀咗咁多錢都用唔到，點搞先？
文文：依家咪畀多少少錢修補系統囉。
李衞：都唔知修咗係咪用到！
文文：冇計啦，都要試試……
李衞： 我怕無底深潭，畀完又畀……
文文：試吓得唔得，好過嘥咗十幾億！
李衞：又真係幾嘥……
文文：係呢！你哋一個二個仲要喺度鬧我喎……
李衞：唉，係同你講嘢真係嘥氣呀！
