政壇：花旗CEO話用人唔拘攣直
同性戀者好多時因為自己嘅性傾向而受到歧視，但相信如果佢哋喺花旗工作，就絕對無呢個問題啦！花旗集團亞太區CEO卓曦文（Stephen Bird）尋晚出席香港W酒店一個討論同性戀社群（LGBT）權益嘅晚宴時就話，自己作為企業領導層，係有責任確保工作環境可以包容唔同觀點嘅員工，無論員工嘅性傾向係點，都應該受到有尊嚴對待。
花旗亞太區CEO卓曦文（左）與印度王子相見歡。
Stephen仲話，如果花旗唔支持LGBT社群，將會埋沒好多人才，亦等同將公司呢二百年來辛辛苦苦建立嘅所有嘢倒落鹹水海，之後仲吟咗一首著名同志詩人Arden嘅情詩添！
除咗熱心嘅Stephen外，同場仲見到首個公開「出櫃」嘅印度王子Prince Manvendra Singh Gohil of Rajpipla，真係不得不佩服呢班有心人致力推動LGBT權益嘅熱誠。
