南韓畀人印象係重男輕女嘅社會，但隨住首個女總統朴槿惠上場，可能要逐漸改變呢個傳統諗法喇！南韓電子業巨頭三星似乎想響應吓，佢哋首位外國女高管正式誕生咗。

張端端

朴馨允

據南韓媒體報道，三星中國總公司副總經理張端端晉升為集團常務，成為集團第一個外國女高管。聽講話，張端端係喺二○○四年二月入三星，當時職位係三星電子總管中國銷售業務嘅對外合作組組長，佢最大嘅功績，係有次三星電子副總裁李在鎔等高管嚟到中國，同中國最高領導層會面嘅時候，張端端喺呢件事上起到好大嘅作用喎。

除咗張端端之外，今次三星集團喺造船同重工行業亦出現咗首個女高管，所以行內人覺得三星重工呢位新任常務朴韾允都好犀利，話晒呢個業務傳統係「男人專區」。

第一手消息請下載on.cc東網iPhone/iPad/Android/Windows Phone Apps