電單車泊位難求

毗鄰港鐵油麻地站A1出入口的碧街設有八個電單車泊位，惟陳先生發現，有關電單車泊位經常「一位難求」，違規停泊情況更經常可見。「成日都見到兩個位泊咗三架車，有時仲泊到出晒界！」陳建議運輸署考慮加設泊位，以應需求。

電單車泊位供不應求，經常出現違泊情況。

運輸署發言人指，上述位置需預留足夠空間供車輛掉頭，故並無空間增設電單車泊位。該署會繼續監察當區電單車泊位的需求情況，並按需要研究增加泊位的可行性。

「香港人口多咗，車位需求大咗都好自然，運輸署好應該要諗吓搵地方加多啲車位！」陳先生希望運輸署正視泊位不足情況，盡快尋求合適地點增設電單車泊位，紓緩泊位不足情況。