英國下議院外交事務委員會主席Richard Ottaway在下議院緊急辯論中，透露曾接獲中國外交官員的訊息，話《中英聯合聲明》已經失效（voided），就這嚴重「指控」，香港本地的一個城市論壇，昨日，請來幾個香港政黨代表，探討《聲明》是否真的已經失效？

現場，有永遠盲撐政府的維園阿伯，話中央國力強大，唔畀英國佬入境嚟中國領土內的香港特區調查《中英聯合聲明》嘅實施情況，係絕對啱到痹的！另一件愛字堆常客更有高見，話「有人犯咗法，梗係唔鍾意畀差人調查o架啦！」assurelly right啦！

支持中共唔畀英國佬嚟嘅人話因「佔領區的人」見有人來調查，一定會做啲好激嘅衝擊行為，讓鬼佬寫Report時，有機會「大做文章」。而青年禮義廉的副主席更借意唱臭人家，話英國議員無權來港問三問四，干涉「香港內政」；殊不知，這類低劣見解，不特只自暴其短，還禍港害國！

首先，《中英聯合聲明》不特是中英兩國簽訂，而仲送交聯合國登記，只有生效日期，從無「失效日期」，是一個受國際認可的「有法律效應」的協議，點可以像大陸外交部那位大嬸回應說：「英方對回歸後的香港無主權、無治權、無監督權……」好得人驚的「不守國際法和承諾」之惡言，如果咁都得，中共同其他國家簽過的合同，咪可以隨時唔認數？同流氓爛仔有乜分別？

真正愛自己國家的人民，係理應要監督國家依法執法，維護國民尊嚴，而非學香港廢柴政府咁，任由無誠信的官員開空頭支票，當你傻仔咁呃完又呃，你仲撐佢，如斯咁做，只會畀全世界恥笑！

大陸共幹耍流氓，是可預知的，但香港人向來是有質素、兼可做榜樣，教化劣質盲毛的，怎可以做啲仲差過大陸人的醜行o架？係咪？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東網iPhone/iPad/Android/Windows Phone Apps