城中鏡：何穎雯聖誕帶仔女尋根
名媛何穎雯尋日帶同一對仔女出席芭蕾舞團聖誕活動，佢話長女今年十歲，細仔八歲，又話：「我結咗婚十二年，眨下眼佢哋就大晒。囡囡細個都有學芭蕾舞，但佢唔鍾意、囝囝就無學。囝囝鍾意唱歌，有參加合唱團同埋唱歌劇，流行曲就無。」如果囝囝第時話要做歌手呢？佢話：「囝囝得八歲，我無諗到咁遠，will see，唔知佢大個有無咁嘅才華。做媽咪要培育佢哋，第時喺職場佢哋自己揀做乜嘢。」佢話囡囡好文靜，鍾意睇書，而囝囝就好活躍經常跳跳紮。
除咗照顧仔女之外，何穎雯亦有幫夫家打理家族生意。
除咗照顧仔女之外，佢亦有幫夫家打理家族生意，從事有機物料生產環保玩具。問到今個聖誕節會點樣慶祝時，佢話：「會一家人同老爺奶奶一齊返上海無錫，仔女係無錫人，但佢哋未返過去，今次好似尋根咁，好有意思。」
