城中鏡：何倍倩孖住老公Keep Fit
前晚天氣寒冷，但見到「恒生新抱」何倍倩穿上性感晚裝出席舞會，露背又露腰，非常高貴。佢笑言自己早已準備咗呢套晚裝，但由於天氣變冷，所以隨身帶備咗外套。見佢身形fit爆，完全睇唔出已經係三子之母。問佢係咪得天獨厚，天生食極都唔肥？佢話：「我每朝都做運動，會跑步或者行山。尤其係生咗龍鳳胎之後，更加努力keep。我老公都fit，會一齊做運動。依家嘅體重同生BB之前差唔多，依家係一百一十磅。」
何倍倩前晚冒住寒冷天氣以性感晚裝出席舞會。
咁係咪需要飲食方面配合呢？佢話自己喜歡少飯多肉，又話：「我老公都瘦，因為屋企好少買零食，有時我哋夜晚想食嘢，但係又搵唔到心水食物，就索性唔食，呢個都係瘦嘅原因之一。」
