政壇：名人關注美國種族衝突
美國種族衝突引發各地示威浪潮，身在香港嘅名人都好關注，其中保良局副主席Abbie陳細潔透露，日前致電喺波士頓嘅友人問好，得悉對方安全後大感放心，不過友人感到美國最近「立立亂」，出街時提心吊膽，害怕校園槍擊案或會波及子女，正打算返回香港暫避。
陳家偉憶述當年喺快餐店遭店員拒絕招呼，大感無奈。
陳光明（中）於美國讀大學時，與不同種族同學打成一片。
喺美國有健康食品生意嘅美國家得路集團執行董事兼總裁Calvin陳家偉都關注事件，憶述當年留學加州時，有次去快餐店排隊買包時，當地店員竟然當佢透明，佢立即追問原因，對方講到明話唔想招呼佢，事後諗番起都大感無奈。
初中後留學加國嘅中央政策組特邀顧問陳光明，都試過畀外籍同學排斥，但佢冇氣餒，主動融入對方圈子，及後去美國波士頓升讀大學時更勤練球技，最終獲加入校內的美式足球隊，與不同種族同學打成一片。
