邱德根孫女邱詠筠前晚出席自己有份籌備嘅籌款舞會，身上佩戴咗名貴首飾。問佢戴住嘅首飾價值多少？佢冇自己答，反而搵咗一名高層嚟解答，對方即刻話係無價寶。邱詠筠透露舞會中有歌唱環節，佢仲搵咗八位城中名媛，例如曾昭怡、曾昭亮、邱詠麒等穿上由設計師鄭兆良設計嘅晚裝，配上首飾行騷。咁點解佢唔親身上陣？佢話：「我觀賞。」再追問班名媛行騷緊唔緊張？佢就話：「佢哋有排練，我睇咗佢哋綵排，好好。」
邱詠筠專登搵咗八名城中名媛喺籌款舞會上行騷。
