「你依家知阿爺偉大未？無阿爺你連水都無得飲！」阿爺自負道。小香低頭呢喃︰「我畀錢買嘅，仲話兩爺孫……」阿爺見小香略有微言，連忙解釋︰「就係因為兩爺孫，你都唔好意思唔畀啦。」

小香聽後仍未釋懷，「但我都飲唔晒，點解要逼人買咁多……」阿爺舉起手指，一副老道學模樣，「嗱，呢啲叫有備無患，買得多，遇天旱時就唔使兩頭騰。」眼望泛黃江水滾滾流逝，小香再看看荷包，「天未旱，我荷包先乾塘……反正我用唔晒啲水，不如阿爺你回番『水』畀我。」阿爺笑謂︰「你畀咗錢，多多水都有得你飲！」

阿爺又拍拍小香膊頭，「你要體諒阿爺，你知啦，水資源咁珍貴，好難先儲到咁多。」話畢，阿爺逕自走到江邊。

在夕陽之下，湧泉噴出，金光乍現，阿爺勒緊褲帶，一臉滿足道︰「舒服晒！」

第一手消息請下載on.cc東網iPhone/iPad/Android/Windows Phone Apps