政壇：泛民議員搞蛇宴 懶理將軍澳打仗
「三堆一爐」撥款申請拖拉多月，立法會財務委員會前日終於率先通過擴建將軍澳堆填區，一眾西貢區議員無不配合民意表達失望，方國珊繼以血水兜頭淋後，再怒燒兩份堆填區環評報告洩憤。不過，有將軍澳居民就投訴喺區議會選舉獲泛民主派力撐嘅獨立區議員陸平才以示不滿。
將軍澳居民不滿陸平才掛住搞蛇宴。（讀者提供）
事緣，投訴居民質疑撥款喺財委會通過嘅時候，有人掛住搞蛇宴，到最後一刻都冇對選民盡責，批評泛民議員係「偽君子」喎！我哋問過陸平才，佢話西貢區議員唔係只得堆填區單一議題，自言過去已經盡晒力表達意見，唔通次次去衝擊立法會先叫重視議題咩！
