立法會議員喺議會內唇槍舌劍就見得多，但行Catwalk就難得一見。工聯會陳婉嫻尋日就為社企舉辦嘅時裝表演擔任嘉賓，「處女下海」擔任模特兒，一身潮流打扮嘅嫻姐相當搶眼，除咗着起一襲白色長衫，配襯蓮花造型嘅綠色紗裙，仲罕有咁戴上畫家帽。雖然嫻姐動作有啲生硬，但有經驗豐富嘅製衣及紡織界議員鍾國斌（Felix）傍住加上笑容十足，博得觀眾熱烈掌聲。
陳婉嫻（右）同鍾國斌（左）手拖手行Catwalk，博得唔少觀眾掌聲。
