貪曾任內提出興建十號貨櫃碼頭，但運房局宣布擱置計劃至二○三○年，李衞知道咗就搵貪曾問責。

李衞：你呢個好大喜功嘅貪曾，當年搞埋晒咁多嘢，嗱，依家要擱建呀！

貪曾：我咁做都係為你哋好，點知唔啱用喎。

李衞：好彩工程未開頭，如果唔係就爛尾啦！

貪曾：唔怕，依家起都未起過！何況我冇功都有勞啦！

李衞：你衰咗仲要死撐認叻？

貪曾：計劃擱置，我幫市民慳咗六百幾億，你話係咪抵讚？

李衞：你擱置咩？你舊時搞嗰啲基建，樣樣都變大白象工程，呢筆又點計？

貪曾：最終受惠嘅係市民，係依家畀多少少錢啫，抵嘅、抵嘅！

李衞：你抵打就真！我打！

第一手消息請下載on.cc東網iPhone/iPad/Android/Windows Phone Apps