城中鏡：羅芊霖 明明姐上契互贈厚禮
前亞姐羅芊霖（前名羅霖）同名人鄭明明認識多時，尋日佢特別喺明明姐開設嘅CMM蒙妮坦學院畢業禮上跟對方上契，仲送上「足金如意」，祝對方萬事勝意，獲對方回敬五位數字嘅大利是。
鄭明明（左）話同羅芊霖（右）係好姐妹，早就想上契喇！
羅芊霖透露同明明姐好投契，又話：「我哋有共同宗教信仰，佢係我一位好尊重既長者，難得佢提出上契，冇諗過自己咁嘅年紀仲有得上契，絕對係我人生大事。我要向佢好好學習，我想學佢咁成功，可以教育人才，佢有千千萬萬嘅學生，事業真係好出色。」
明明姐亦話同羅芊霖係好姐妹，佢哋一直都想上契，只係冇時間啫！記者笑問佢封利是大約金額幾多？佢笑說：「最少五位數字啦，呢啲係誠意。」佢又指早前對方婚姻失敗，加上負面報道唔開心，自己送上無限關愛同支持。
