SUN搞作：少膽虫手記：冇資格講良心

近排因為《爛果》嘅偏頗報道，好多市民都打嚟媽媽聲，不過本虫完全唔放喺心，無他嘅，《爛果》一向都係我行我素，旨在反中亂港，你哋愈鬧得勁，淫賤黎就愈high，吹咩？

之不過，壹全霉內部近來亦開始有人怨，話日日誇張失實作新聞，好違背良心咁話，仲上書本虫，希望公司可以改吓方針。哈哈哈哈哈，本虫依家就畀個回應你哋：「我x你啦！」

你班咁嘅廢柴，當初入得嚟壹全霉乞飯食，就知道要誨淫誨盜作新聞o架啦，唔係扮無知啩！你哋逗得壹全霉份糧，早早已經賤賣咗良心，今時今日冇資格講良心發現，冇資格講迷途知返，明未？

本虫喺度奉勸你班小朋友，唔好喺壹全霉講良知，徹頭徹尾嘅對牛彈琴，何必辛苦自己呢？返埋位，畀心機作新聞，作吓作吓，咪收工囉。