勞工及福利局政治助理黎穎瑜（Jade）唔經唔覺已經加入政府一年，「熱廚房」內嘅佢雖然曝光率未見突出，但都不時落區出席講座同年輕人交流。Jade尋日出席九龍城書節開幕講座，分享個人奮鬥史時，首次自爆七七年喺廣州出世，五歲先隨家人來港定居，仲話來港後先發現原來杧果係黃色嘅，因為細個喺內地食親嘅杧果都係撞瘀晒、灰灰黑黑咁！

黎穎瑜透露當年自己全靠申請獎學金，先有機會「衝出香港」。

Jade話自己唔係「富二代」出身，自小讀街坊學校，但就參加大大小小嘅公開比賽，攞咗唔少獎。中五嘅時候，佢明白因為家境關係，想出國留學唯一嘅辦法就係申請獎學金，最後成功申請並轉讀香港李寶椿聯合世界書院，畢業後升讀中文大學，其後再攞獎學金去牛津大學攻讀碩士。佢話，一切成績都係靠自己努力得來，仲藉個人奮鬥經歷勉勵時下年輕人，一樣可以靠自己向上流動。

第一手消息請下載on.cc東網iPhone/iPad/Android/Windows Phone Apps