電單車殘骸長駐 有損環境
「啲電單車燒到甩皮甩骨，好似恐怖片入面啲地獄戰車咁，行過見到都覺得好核突。」柴灣居民梁先生指出，毗鄰柴灣公園的翠灣街月前有多輛電單車被焚毀，惟事隔多時車身骨架仍未見清理，對市容構成影響，「都過咗成幾個月啦，點解到依家啲殘骸仲未移走？」
縱火案後電單車殘骸遲遲未見清理，被指有損市容。
警方發言人表示，早前涉事地點曾發生兩宗電單車縱火案，現時案件由東區刑事調查隊跟進，亦已完成現場搜證，涉案電單車殘骸已陸續由車主自行移走，亦已經要求相關部門協助清理現場。
梁先生證實電單車殘骸數已見減少，但認為警方應張貼告示，向市民交代事件，「我都明刑事案件係需要時間搵證據，但警方應該同大家講聲佢哋做緊嘢，唔好等啲街坊估估吓，以為永遠都唔會有人理件事咁！」
