SUN搞作:SUN官場現形記:古物多多
政府被質疑無誠意保育沙中線土瓜灣站的考古遺迹,呢日發展局局長波波又要面對市民嘅質詢。
市民︰拆卸易地重置古井,咁隨便,你究竟有無誠意保育?
波波︰我講吓啫,都未做決定。
市民︰唔做講嚟做乜?空口講大話?
波波︰……原址保留要十三億,拆卸易地重置就淨係要一千萬,真係差好遠。
市民︰係呀!個意義真係差好遠,梗係要原址保留先有價值。
波波︰成日話政府燒錢,依家慳錢又唔滿意。
市民︰不如你同個古井一齊被保育喇。
波波︰此話何解?
市民︰你咁迂腐,淨係識得講錢唔識變通,成舊「活化石」咁,一於畀市民參觀吓啦!