藝術品有價，好多高端投資客近年都鍾情收集藝術品，本港一啲私人銀行就睇準呢個機會，同藝術品公司或拍賣行合作，齊齊開拓藝術品投資市場。

銀行同拍賣行專為私銀客舉辦導賞團，畀呢批潛力買家先睇先諗。

好似最新一間拍賣行嘅秋季拍賣活動，永隆私客就好夠面子，獲邀參加專為佢哋設計嘅「亞洲二十世紀及當代藝術」導賞團，唔講唔知今次嘅拍賣品包括明清珍罕中國瓷器同工藝精品、中國書畫大師吳冠中同徐悲鴻嘅名作、趙無極同張曉剛嘅亞洲當代藝術作品，當然唔少得女士最愛嘅珠寶名錶，同來自波爾多嘅頂級酒莊名酒等等，咁多珍品，私銀大客可以根據個人喜好，先睇先諗，難怪一啲投資人士都大讚安排夠晒貼心。

第一手消息請下載on.cc東網iPhone/iPad/Android/Windows Phone Apps