城中鏡：圓圓掛住攬B女 汪詩詩呷醋
玩具大王蔡子明新抱汪圓圓誕女之後，近日據聞搞緊百日宴，不過，圓圓嘅姐姐汪詩詩卻對宴席了解唔同，詩詩話，佢成日唔喺香港，而且：「我每次見圓圓，佢都淨係攬住佢個BB，冇理我……」雖然係咁，詩詩都話BB女好可愛，連自己嘅女女都話想見妹妹。
汪詩詩透露聖誕會偕家人到歐美旅行。
聖誕節舉家旅行
轉吓眼又到十二月，詩詩透露，聖誕節會同家人到外地旅行，因為丈夫今年不用拍戲，可以有多啲時間跟家人相處，她說：「今年計劃同埋屋企人一齊去，依家屋企人好多，想去遠啲！」詩詩又話，唔同嘅人有唔同嘅人生歷程，有啲人做晒自己鍾意嘅嘢先結婚，佢就太後生就結婚，所以依家先開始做自己想做嘅嘢！」
