佔領行動持續不散，搞到香港地都出現佔領恐慌，最近，屯門河都有被佔領之嫌，搞到環境大受影響，當區區議員都忍唔住喺社交網站揭露問題。

屯門河嘅天橋下塞滿龍舟、舢舨等，區內人士向多個部門反映，均未獲重視。

屯門區區議員陳雲生喺社交網站上載多張相片，指橫跨屯門河上嘅數條行人、行車天橋底，泊滿晒舢舨、龍舟、僭建浮台等，其中有違泊者更借橋底固定船身，擔心會影響天橋同河肩結構，甚至威脅居民生命安全。陳雲生話，佢曾就此向土木工程拓展署、路政署、海事處等部門反映，可惜情況至今未改善之餘，仲有惡化趨勢。難怪佢借題發揮話，唔通佔中清場難，佔河清場也難？

第一手消息請下載on.cc東網iPhone/iPad/Android/Windows Phone Apps