煮咖啡要好有技巧,而模特兒Candy徐綺雯早前都跟師傅學煮咖啡,終於有成績嘞!日前仲考獲國際認可專業咖啡師資格,Candy話今次考試極唔簡單,既要考筆試,又要即場煮咖啡,佢話:「筆試要喺二十分鐘內答二十條問題,範圍包括學咖啡嘅產地、製法、味道同種類等等,基本關於咖啡嘅都要識。而即場做咖啡就要喺十六分鐘之內沖好七杯唔同嘅咖啡,包括手沖咖啡、Cappuccino、Espresso同埋Latte等。」

徐綺雯在咖啡師考試中,需要即場沖好七杯唔同嘅咖啡。

徐綺雯煮咖啡有板有眼。

Candy透露最困難係「打奶」,佢話:「要令佢啲泡變得好滑,時間要控制得好好,溫度要介乎六十至七十度之間,唔可以太熱,啱起出嚟嘅泡先靚。」考到咖啡師牌,Candy被問到係咪想開Cafe?佢甜笑話:「老公說要開一間Love Candy Cafe畀我,哈哈!」

第一手消息請下載on.cc東網iPhone/iPad/Android/Windows Phone Apps