SUN搞作：打橫嚟講：革命尚未成功，村民還須努力？

經過五十多天折騰之後，香港有八成三人認為應該停止佔領行動，另有六成八人贊成清場，之前，不是有說香港爭取民主三十幾年，就看呢鋪o架咩？點解咁快咁易「民意逆轉」嘅呢？

「莫忘初衷」的「初衷」是甚麼呢？

佔中三子近況如何呀？好似很久不見了！甚念！

學聯學民的光環褪色了！

泛民與建制派站在同一個立場，狂插衝擊者。

大陸有極左評論員公開懷念和讚賞已故的反共運動先驅司徒華，話佢係一個超卓「運動領袖」。華叔辭世近四年矣！此處連一個似樣的民主運動領袖也產生不了嗎？

目前，眼見的！真是一個也沒有喎！

事實告訴我們，世上任何成功的歷史性革命，得須有個有權威性、有感染力和有遠見的精神領袖，不單只在政治上，即使經濟、文化或宗教等課題，亦如是觀。

今劑無大佬的清純潔癖運動，香港人醒覺了嗎？

「我討厭政治」，但我知道一九八九年至今二十五載，中國的民主進程，毫無寸進，貪腐依然猖獗，國安更甚兇殘、民生繼續悲慘、道德急降淪亡，但係……GDP上揚、黑金易搵、假證通行、時興移民、土豪橫行（下刪三萬字）……

沒有政治訴求多好！任由你阿爺派米填肚多好！無被沒收回鄉證多好！最好的！還是從今以後，乜都唔使再諗，豁出去搵錢吧！

中國社會，幾千年來的體制，幾時唔係由上有暴君、讒臣、宦官，下至有奴才、愚民和一大群苦難的百姓o架呢？

「民主」，乃西方產物，唔啱中國土壤種植嘅！認命吧！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府