城中鏡：譚劍偉話港客愛格價
香港人好精打細算。永隆私人銀行及財富管理部主管譚劍偉（Joseph）話，本港私銀客戶唔少都有成三至五個唔同銀行嘅戶口，方便經常格價。試過有個女性大客戶口有成三、四千萬美金流動資產，但有日知道要畀200蚊美金做查冊，就同Joseph研究咗好耐究竟呢200蚊係咪一定要使，仲話「飯我請你食，但（查冊費）一定要waive」。
譚劍偉認為，本地私人銀行客戶十分精打細算。
或者係咁，私人銀行界好重視客戶嘅利益，即使係啲小收費環節，都會競爭一番。咁內地私人銀行客戶又點呢﹖Joseph話，佢哋私銀有七成內地客，而內地客對價格冇咁敏感，通常得一至兩個銀行戶口，好少四出格價，生意相對好做。
