大搜查：減肥勿貪快 一周兩磅已佳
【本報訊】市面上不少聲稱有減肥功效的「保健產品」標榜成分天然，有專家卻指即使減肥產品並無中西藥成分，亦有機會產生副作用。記者將從網上購得的「日本最暢銷特效減肥丸」供香港中文大學藥劑學院副教授李詠恩檢視，李直指有關成分並非所有人士均可服用，「好似甲殼素嘅副作用會令人腸胃不適、腹脹、作嘔、便秘，而藤黃果甚至會令人頭痛。」李又稱，如果市民患有慢性疾病而需要長期服藥，服用有關產品亦有機會影響治療效果，建議市民購買前必須請教醫生。
李詠恩指即使減肥產品並無中西藥成分，亦有機會產生副作用，建議市民小心購買服用。
運動勝服藥
至於有關產品的成效，李詠恩亦有所質疑，「以科學角度嚟睇，一個月減二十磅係太多同太快，係冇咩可能做到，通常一星期減一至兩磅已經好多。」李認為，單靠服用減肥產品難以達致減肥功效，建議市民配合運動及飲食節制，「好多時呢啲產品一停食就會反彈，唔能夠持久，如果依靠呢啲產品，不如食少油、糖、鹽嘅食物再加運動，效果會更加好。」
