佔領行動拖延多時，社會受到嘅影響愈來愈大。一直以來，泛民政黨喺佔領行動嘅表現都幾矛盾，抽水冇甩拖，風頭又要出，但佔領區有乜事就遲遲唔見影。日前，一班蒙面暴徒衝擊立法會，毀爛咗立法會外牆及玻璃大門，又同警員激烈衝突，事後泛民二十三個議員舉行咗個溝通會議，之後拿拿聲開記者會，同暴徒劃清界線，又斥責佢哋暴力違法喎。主持泛民溝通會議嘅係公文袋嘅梁家傑，佢喺佔領行動中唔少有關法治嘅言論都備受批評，被質疑身為法律界中人亦帶頭唔守法。今次勢色唔對，佢又立即走位，唔通呢啲就係「高明」嘅政客表現﹖

第一手消息請下載on.cc東網iPhone/iPad/Android/Windows Phone Apps