香港樹木多，樹木嘅麻煩更加多，淨係近年都發生咗好多宗樹木倒塌致死嘅個案，搞到市民人人自危。尋日審計署發表新一份報告，批評有份管理樹木嘅幾個政府部門不力，有啲樹木更加冇人理。溯本尋源，發展局勢要負最大責任，而發展局局長陳茂波更加樹債難清。事關依家全港私人地方嘅樹木處於冇監管嘅狀態，所以審計署長喺報告中要求發展局審慎檢討訂立樹木法例，以規管私人土地嘅樹木護養等工作。嘩，波波局長公私火頭都咁多，呢筆新債又要拖到幾時呢？
