SUN搞作：打橫嚟講：讀古書救香港

嗱！好似最近，就有好多人出嚟要為香港做點好事咁話。

即使為香港好、中國好，都要搵啲接近正常嘅「智者」至得o架！

智者同智將肯定有分別o架！玩吓泥沙冇乜所謂，要香港明天會更好，就唔可以咁柴娃娃啦！

喺書架上摷番本清朝名鑑《格言聯璧》出嚟讀吓，揭去《從政篇》度，有一段好啱那些想為香港好、國家好嘅人睇嘅：「呆子之患，深於浪子，以其終無轉智；昏官之害，甚於貪官，以其狼藉及人」。

吓！似文言文，睇唔明？好啦！本着獅子山精神，為人為到底，用中文「翻譯」中文畀你睇啦：「懵人給社會帶嚟嘅禍患，會大鑊過那些冇乜責任感嘅輕薄之人，唔叻嘅永遠唔會變得聰明嘅！昏庸嘅官吏給社會帶嚟危害，會多過貪婪嘅高官，因為佢懵盛盛嘅無能會殃及無辜的廣大百姓。」

好啦！又夠鐘下課落堂，明天請早……

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府