SUN搞作：SUN官場現形記：肉隨砧板上
教育局「零監管」，令通識書可肆意改版加價，家長百上加斤，一怒之下就去搵局長吳得掂，發洩一番。
家長︰點解就係唔監管通識書？
吳得掂︰我哋好多嘢要監管，邊顧得咁多……
家長︰好多嘢要監管？例如呢？
吳得掂︰例如時間囉，嗱，又到三點三，你明啦！
家長︰豈有此理，漠視家長苦況！
吳得掂︰絕對無，而且咁做都可以教育學生。
家長︰卸膊仲敢狡辯？
吳得掂︰真o架！唔監管，可以教學生自由嘅可貴，係咪有幫手先？
家長︰「幫手」？都啱嘅。
吳得掂︰你終於肯認同我喇？
家長︰幫忙袖手旁觀，實無錯o架！
