食環署：熱線駁1823 市民難舉報
「諗住打熱線可以直接搵到啲職員啦，點知都係駁咗去1823！」羅先生早前擬向食物環境衞生署舉報食肆阻街，但按語音指示按鍵後，接線生竟為1823熱線職員，令羅大感不滿。「點解熱線唔係食環署嘅人，打到去又駁番落1823，咁整嚟有咩意思？」
有市民發現食環署熱線接駁至1823，認為未能直接聯絡有關職員方便投訴。
食環署發言人表示，由於1823政府熱線提供二十四小時服務，能更方便市民於任何時候致電查詢式舉報，故自二○○一年起，食環署熱線電話已交由1823代為接聽，並會盡快把有關個案轉交相關職員處理。發言人又稱，市民可致電食環署各分區或組別之辦事處直接查詢或投訴，亦可透過電郵、傳真、電子表格及郵寄等途徑與當局直接聯絡，詳情已刊登於食環署網頁。
