影視紅星Niki周麗淇喺西安為一個名錶活動做嘉賓，仲佩戴品牌嘅女裝粉紅鑽石腕錶，襯以粉紅套裝壓軸為品牌行Catwalk，散發嬌美迷人氣息。由於Niki所演嘅內地電視劇播出後大受歡迎，所以活動期間吸引大批粉絲到現場為見偶像一面，而親民嘅Niki仲同現場觀眾大玩遊戲，令活動氣氛迅速升溫。群眾嘅熱情亦逗得伊人笑逐顏開。

周麗淇

難得到西安出席活動，Niki抵埗後不忘爭取時間遊覽當地著名嘅鐘樓同回民美食街，嘗盡美食，實行忙裏偷閒。佢透露此行相當有價值，喺參與名錶品牌嘅活動時，同粉絲互動之餘亦有機會嘗盡當地美食同欣賞古都風貌，一舉兩得。唯一遺憾嘅係未能抽空參觀兵馬俑。佢又話未來幾個月將會喺內地拍劇，希望之後能夠重臨此地，探索地道風情。

第一手消息請下載on.cc東網iPhone/iPad/Android/Windows Phone Apps