模特兒Ankie貝安琪、Irene溫碧霞同Icy黃婉曼尋日出席護膚品牌活動。啱啱結咗緍嘅Icy話婚後嘅生活同以往冇太大轉變，只是人比較圓潤咗，佢又透露自己係重男輕女嘅人，希望第一個BB係男仔，佢話：「可能自己係獨女，想有人會保護我。」咁老公呢？佢話男仔都係鍾意女仔多啲，可能異性相吸啩。」Ankie就替模特兒Jessica C.同安志杰熱戀一事大感高興同埋祝福佢哋，隨後透露自己啱啱去完德國同美國，又話依家有追求者，但未遇到合心意嘅對象。

模特兒貝安琪（左）、溫碧霞（中）同黃婉曼（右）尋日一同出席護膚品牌活動。

身穿黃色Tube Dress嘅Irene透露近年獲得好多內地廣告商垂青，接拍唔同種類嘅廣告，佢話：「最驚喜係搵我拍廣告嘅人係我嘅粉絲，真係好多謝佢哋，酬勞係高啲同好滿意。」佢又話自己唔介意性感演出，最重要有美感。

第一手消息請下載on.cc東網iPhone/iPad/Android/Windows Phone Apps