政壇：顏寶鈴望囝囝接班

顏太話自己五十幾歲，對工作仲有激情，但去咗孟加拉發展之後，愈來愈忙少見屋企人，依家一個月都唔夠三分之一時間留喺香港，見囝囝時間少，有時都特登留多日只係想同屋企人食餐飯。

笑指老公似足福利官

佢開到口話好想叫囝囝入公司，唔通為接班鋪路？顏太話囝囝做緊投行，想叫佢去公司幫手。「做廠同計數唔同，唔係一加一咁簡單，做廠要浸o架」，即係想囝囝快啲轉行儲吓經驗？不過，顏太話前提係佢要有興趣做，而且依家啲partner都好幫到手，唔會逼佢嘅。

顏太話兩公婆都好鍾意嗰度，「佢好鍾意跟我去孟加拉，次次都要帶啲娛樂工具去，又見吓啲同事，十足福利官」，顏生見到共事二十年同事傾吓偈就好開心。顏太去到孟加拉就push員工做嘢，顏生就去氹同事，一軟一硬。