做漢奸自作自受 淫賤黎臭有臭報

件事係咁嘅，淫賤黎前日下午如常喺金鐘佔領區「私家皇座」抽水兼扮指揮，三名市民突然衝前，怒斥「賣國賊」，跟住向佢淋屎尿掟豬雜，搞到佢成身臭氣，被迫溜之大吉。正所謂，對付豺狼用獵槍，對付漢奸用臭彈，淫賤黎作惡多端，應有此報，今次真係遺臭萬年咯。

係人都知，淫賤黎勾結外部勢力搞亂香港，撕裂社會，手段卑鄙，早就激起全城公憤，淪為過街老鼠。呢，早前佢去酒樓歎茶，有人高呼「呢個咪漢奸囉」，博得全場掌聲，證明漢奸賣國賊係幾咁不得人心。

話時話，淫賤黎甘心做漢奸，被市民狙擊唾罵只係小兒科咋，如果係抗戰時期，賣國賊人人得而誅之，點止畀人掟臭彈咁簡單，隨時連菠蘿都有得食。好似汪精衞咁吖，投靠日本，賣國求榮，生前無疑好風光，點知死後連墳墓都被國民政府炸埋，搞到死無葬身之地，呢啲咪就係做漢奸嘅可恥下場囉。

一句講晒，自作孽，不可活，淫賤黎亦遲早會有報應o架。呢嗱，繼早前大批市民圍堵壹淫媒總部之後，近日好多地方亦出現聲討淫賤黎及爛果報嘅橫額，市民以其人之道還治其人之身，令洋奴漢奸狼狽不堪。咁就啱嘞，對付漢奸唔使客氣，雖然話依家唔可以再用戰爭時期嘅非常手段啫，但唔表示漢奸可以逍遙法外。

講開又講，淫賤黎畀人淋屎尿掟豬雜，本來係大快人心嘅事，點知有人居然狐假虎威，助紂為虐。係邊個？咪就係身為公務員兼港九拯溺員工會副主席嘅郭紹傑囉。唔講唔知，原來郭紹傑舊年九月起就以「跌斷鎖骨」為名，一直獲准放工傷假，即係話，佢一邊出政府糧， 一邊佔中反政府。更奇怪嘅係，聲稱有傷在身嘅佢唔止充當金鐘佔領區糾察長，而且變相成為淫賤黎「私人保鏢」，今次仲涉嫌喺公眾地方打架而被捕添。無論點睇，佢都唔似有傷在身而要休息年幾嘅人，當局係咪應該調查有冇人涉嫌騙取工傷假呢？

總而言之，邪不能勝正。呢次淫賤黎身中臭彈，只不過係小兒科，如果佢繼續禍港殃民，遲早畀天收嘅咋，叮！