城中鏡：潘楚穎睇舖位當旅行
楊敏德嘅女兒潘楚穎近年專注佢嘅時裝事業，貴為恤衫品牌PYE嘅首席執行董事同品牌總監，凡事親力親為，尋日品牌第二間新店舉行開幕酒會，佢早就喺場內打點，仲透露明年會拓展業務到海外，同埋開網上店添！
潘楚穎話依家忙到二十四小時都唔夠用。
問到聖誕節會唔會去旅行時，佢話：「會，但依家要去唔同地方睇舖，準備開分店，又會做多啲女裝，有唔同合作，當係去旅行，忙到24小時都唔夠用。」咁家人有冇到場支持？佢話：「一早嚟咗，佢哋話唔知我搞咗個opening。」佢透露新店設計出自紐約嘅得獎建築師Leong Leong，從中式七巧圖中吸取靈感，富時代感，又突出品牌風格。
