近日私人樓宇進行維修工程嘅時候，不時揭發有圍標情況出現，搞到「天價維修費」，民政事務局常秘馮程淑儀日前就公布，民政事務總署建議修訂《建築物管理條例》，擬提高大型工程嘅門檻，業主表決增比率，希望可杜絕圍標情況。本來呢件係好事，但呢項可謂係遲來嘅修訂，事關「天價維修費」曾引起好多衝突，當局依家先做嘢，已經係後知後覺，希望當局吸取教訓，唔好再唔踢唔做。
馮程淑儀
