城中鏡：邱子傑夫妻同為衣着達人

城中有唔少靚衣架，既能穿出品味，又對時裝有好敏銳觸覺。社交界盛事「時裝．視野」獎頒獎禮即將舉行，十位榮獲衣着傑出人士的名單亦揭盅，今屆嘅名人得獎人有溥儀眼鏡行政總裁邱子傑，佢嘅太座邱李茂琪曾於第22屆攞過獎，今次之後，夫妻同為衣着達人，兩個孖住出街，必更加搶鏡。

邱子傑（右）係今年十位衣着傑出人士之一，原來太太畀咗唔少意見佢。

對於老公獲獎，邱太笑笑口話：「佢成日抄我着衫，以前見我成日着一個品牌，佢就問我係咪好興，跟住佢就成日着啦！」邱太習畫，對顏色和形狀較敏感，故平日仔女同老公嘅衣着都會經佢過目，有時都會提點吓，譬如令老公穿上之後睇嚟瘦一啲，甚至個仔，邱太都會提佢，在外留學時衣着要Smart，但不宜Overdress。