SUN搞作：打橫嚟講：依法治港 還路於民
「依法治國」四隻字，很重很重。
全球人類，包括北韓、非洲小國及中國友好邦交國，哪處人民不想自家君王能「依法治國」的呢？
中國華夏二千幾年前，已有法家極力主張法治精神之重要，哈哈！兩K幾年後，他們的子孫仍在「討論中」！何時才能真正實行「依法治國」呢？
大能的天主也無法說得實！
本地鄰近地區，在三十多年前曾激烈的爭拗過，究竟黨大吖？定法大呢？
好似曾有過「沒有法定認可」的判決，就係「不了了之」的！
當大陸有言再重新抬出「依法治國」的招牌興邦救國時，確是萬民冀許，百姓之福！但……（留番最後再講）
北京講「依法治國」，足下小特區不得多言，否則又犯了干涉國家內政之尋釁滋事罪！
羅湖橋以北的國家大事，小島民無say，但呢度咱們主場，還有時日無多的言論自由嘅！講兩嘴應可以吧！
「依法治國」？太遠了！「依法治港」又如何？提起依法治港，第一先拉貪官吧！尤其是做特首的疑犯，嗱！我講嘅係貪曾啫！咪驚住！吖！呢件大「畸屎」，唔關我等蟻民事的，不如講「阻路」好吧！
嗱！旺角，係呀！係旺角呀！仲係亞皆老街添喎！在旺角亞皆老街近西洋菜街的百老匯電器舖門口，畀班惡形惡相的路霸，一檔檔的非法擺賣「挨瘋」，阻路成年了，未見過有差人去執法清場喎！近日，仲開埋好大把遮，搞「雨傘運動」呀！亦不見有警方「清理路障」！還路於民喎！咁就係「依法治港」？哈哈……
最後再講的，是上月大陸四中全會的「依法治國」提案的決定，係「法要依從黨的指示去執行」，講完！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
