運動員退役後，好多都從事相關嘅工作，前香港風帆選手代表黃德森（Sam）就係人辦，佢家吓係運動員就業及教育計劃經理，不過，好多人一見到阿Sam，仲會即刻諗起佢太太奧運滑浪風帆金牌得主「風之后」李麗珊，尋日見阿Sam獨自一人現身金鐘佔領區，搞乜嘢呢？

黃德森尋日去政府總部開會路經佔領區，一度企喺橋上眺望。

阿Sam當時喺佔領區天橋，遠觀佔領區一段時間，出現喺上址，唔通Sam想就佔領行動表態？不過，Sam對政治話題顯得頗為避忌，同我哋話只係路過去政府總部開會，不過，佢都話個人希望佔領行動會有好結果，又形容港人目前心情複雜。

佢尋日去政府總部開會，唔知作為體育界一分子嘅佢，對早前特首講到體育界及宗教界「完全冇經濟貢獻」論有乜睇法呢？Sam依然封嘴話冇意見，然後就急步離開去開會囉！

第一手消息請下載on.cc東網iPhone/iPad/Android/Windows Phone Apps